सोलापूर सोशल फाऊंडेशनमध्ये स्वागत
घडावा सोलापूर जिल्ह्याचा सर्वांगीण विकास, हाच आहे सोलापूर सोशल फाऊंडेशनचा ध्यास !
सोलापूर जिल्ह्यातील सुशिक्षित व बुद्धीमान समाजाच्या स्थलांतरामुळे येथे नवीन उद्योग निर्माण होण्याच्या शक्यता कमी होऊ लागल्या, त्याचबरोबर नोकरीच्या संधीही कमी होऊ लागल्या. याचा परिणाम सोलापूर जिल्ह्याच्या विकासावर होऊ लागला. याला आळा घातला जावा आणि सोलापूर जिल्ह्याचा सर्वांगीण विकास व्हावा या उद्देशाने सोलापूर सोशल फाऊंडेशन या संस्थेची स्थापना करण्यात आली. एखाद्या जिल्ह्याची प्रगती तेव्हाच होते, जेव्हा त्यातील प्रत्येक खेडे, प्रत्येक गावाची सर्वांगीण प्रगती होते. "सर्वजण एकत्र आले तर सोलापूरची दैवगती एकदम बदलून जाईल" या विचारातून सोलापूर सोशल फाऊंडेशनचा पाया रचला गेला. नफा कमावणे हा संस्थेचा उद्देश नसून सोलापूर जिल्ह्याचा सर्व पातळ्यांवर विकास होणे, हे संस्थेचे ध्येय आहे.
सोलापूर जिल्ह्याची ढासळती स्थिती सावरावी आणि सोलापूर जिल्ह्याचा उत्कर्ष व्हावा या विचारातून 'सोलापूर सोशल फाऊंडेशन'चा जन्म झाला. सोलापूर सोशल फाऊंडेशनचा पहिला टप्पा मुंबईत तर दुसरा पुण्यात सुरू झाला. सोलापूर जिल्हा आर्थिकदृष्ट्या सक्षम व्हावा यासाठी इच्छुक असणाऱ्यांना एकत्र आणीत सोलापूर सोशल फाऊंडेशन ही संस्था उभी राहिली. या मोहिमेला समाजातील सर्वच स्तरातून भरघोस प्रतिसाद मिळत आहे. विविध विचार व सूचनांचे सोलापूर सोशल फाऊंडेशनतर्फे नेहेमीच स्वागत केले जाते. सोलापूर जिल्ह्यातील वैशिष्टये जसे की खाद्यपदार्थ व त्यांचे विपणन, माहिती तंत्रज्ञान, वस्त्रोद्योग संकुलांची निर्मिती यातून रोजगार निर्मिती होईल व उत्पन्न वाढले की राहणीमानही उंचावेल या विचाराने संस्थेची वाटचाल सुरू आहे.
सोलापूर जिल्हा हा महाराष्ट्र राज्यातील अध्यात्मिक, सांस्कृतिक, ऐतिहासिक, भौगोलिक, औद्योगिक व कृषी विषयक विविधतेने समृद्ध असलेला असा प्रमुख जिल्हा आहे. सोलापूर जिल्ह्यातील विविध पर्यटन स्थळे, सोलापूर जिल्ह्याचे धार्मिक महत्व, सोलापूर जिल्ह्याचा संपन्न इतिहास लोकांपर्यंत पोहोचावा, तसेच सोलापूर सोशल फाऊंडेशनच्या माध्यमातून सोलापूर जिल्ह्यामध्ये विविध रोजगार संधी निर्माण व्हाव्यात हा उद्देश घेऊन ही संस्था वाटचाल करत आहे. सोलापूर सोशल फाऊंडेशनच्या माध्यमातून सोलापूर जिल्ह्याचा सर्वतोपरी विकास घडून यावा यासाठी विविध स्तरातून येणार्या सूचना, कल्पनांचे येथे नेहेमीच स्वागत आहे.
आमचे ध्येय
सोलापूर जिल्ह्यातील शिक्षण, उद्योग, नोकरी व रोजगाराच्या संधी, महिला विकास, स्वच्छता अशा सर्वच आघाड्यांवर सोलापूर जिल्ह्याची प्रगती घडवून आणणे आणि सोलापूर जिल्ह्याला सर्वच बाबतीत स्वयंपूर्ण बनविणे हे सोलापूर सोशल फाऊंडेशनचे लक्ष्य आहे.
आमची उद्दिष्टे
घडावा सोलापूर जिल्हयाचा सर्वांगीण विकास, हाच आहे सोलापूर सोशल फाऊंडेशनचा ध्यास
जलसमृद्ध सोलापूर
पिण्यासाठी, शेतीसाठी, जनावरांसाठी व उद्योगांसाठी पुरेसे व स्वच्छ, शुद्ध पाणी उपलब्ध व्हावे हा ध्यास घेऊन परिश्रम घेत आहे सोलापूर सोशल फाऊंडेशन.
अधिक वाचा
कौशल्य विकास
सोलापूर जिल्ह्यामधील जनतेच्या अंगभूत कौशल्यांना चालना देणे, त्यासाठी योग्य प्रशिक्षण पुरविणे यासाठी सोलापूर सोशल फाऊंडेशन कार्यरत आहे.
अधिक वाचा
व्यवसाय वृद्धी
सोलापूर जिल्हयामध्ये चालणार्या अनेक प्रकारच्या व्यवसायांना योग्य पाठबळ मिळून ते स्वयंपूर्ण व्हावेत, येथील व्यवसाय वाढीस लागावे हे सोलापूर सोशल फाऊंडेशनचे ध्येय आहे.
अधिक वाचा
नोकरी व रोजगाराच्या संधी
नोकरीच्या, रोजगाराच्या शोधार्थ इतरत्र स्थलांतरित होणार्या सोलापूर जिल्ह्यामधील तरुणांना सोलापुरातच नोकरी आणि रोजगाराच्या उत्तम संधी उपलब्ध करून देणे हे सोलापूर सोशल फाऊंडेशनचे प्राथमिक उद्दीष्ट आहे.
अधिक वाचामहिला विकास व सक्षमीकरण
सोलापूर जिल्ह्यातील महिलांना शिक्षण, कौशल्य व रोजगाराच्या विशेष संधी उपलब्ध करून देण्यातून महिलांचा विकास साधला जाईल. महिला सक्षम व्हाव्यात, स्वयंपूर्ण व्हाव्यात यासाठी सोलापूर सोशल फाऊंडेशन प्रयत्नशील आहे.
अधिक वाचाहरित सोलापूर
सोलापूर जिल्ह्याच्या सर्वांगीण विकासाचा विचार करताना सोलापूर जिल्हा स्वच्छ व सुंदर राखणे हे सुद्धा असते महत्वाचे. सोलापूर जिल्हा हिरवाईने नटलेला व सुंदर बनावा यासाठी जनजागृती करत आहे सोलापूर सोशल फाउंडेशन.
अधिक वाचाशिक्षणाच्या संधी
उत्तम शिक्षण हा भविष्यातील सुशिक्षित आणि सुसंस्कृत समाजाचा पाया! हे ओळखून सोलापूर जिल्ह्यातील विद्यार्थ्यांना प्राथमिक तसेच उच्च शिक्षणाच्या उत्तम संधी उपलब्ध करून देण्यासाठी प्रयत्नशील आहे सोलापूर सोशल फाऊंडेशन.
अधिक वाचासोलापूरच्या विकासासाठी आमच्यासह जोडले जा
(+९१) ७७ ६७ ०८ ०९ ९९ या नंबरवर संपर्क साधा
सन्माननीय सभासद
जाणून घ्या मानद संस्थापक सभासदांविषयी...
मा. श्री. सुभाष (बापू) देशमुख
संस्थापक