अक्कलकोट रोडवरील वीरतपस्वी मंदिर हे आता नवीन धार्मिक पर्यटनाचे केंद्र म्हणून उदयास आले आहे. येथील महाद्वार दाक्षिणात्य पद्धतीचे आहे. या 7 मजली महाद्वाराची उंची 108 फूट आहे. मंदिराचे 3 भाग आहेत. तळमजल्यावर विशाल ध्यानमंदिर आहे. एकाच वेळी 1 हजार जण ध्यानाला बसू शकतील अशी व्यवस्था आहे. मंदिराचे शिखर अतिशय देखणे झाले आहे. जमिनीपासून कळसापर्यंतची उंची 108 फूट आहे. असे भव्यदिव्य मंदिर आणि महाद्वार महाराष्ट्रात अन्यत्र आढळून येत नाही.